Amerika Quşma Ştatları ilbaşı Donald Tramp comğa kiçendä AQŞ häm Nigeriyäneñ urtaq xärbi operaśiyäse näticäsendä “DEAŞ”nıñ dönyadağı ikençe yuğarı däräcädäge liderı üterelüen belderde.
Tramp “Truth Social” platformasında bolay dip yazdı: "Bügen tönlä, minem kürsätmäm buynça, qıyu Amerika köçläre häm Nigeriyä Qorallı Köçläre suğış qırında dönyadağı iñ näticäle terrorçını yuk itü öçen centekläp planlaştırılğan häm bik qatlawlı missiyäne kamil räweştä başqardı".
Tramp "Äbu-Bilal äl-Minukinıñ Afrikada yäşerenä alaçağın uylawın, läkin Amerika küzläw çığanaqlarınıñ anıñ xäräkätlären küzätep toruın belderde.
Tramp: "Ul monnan soñ Afrika xalqın qurqıtmayaçaq häm amerikalılarğa qarşı operaśiyälär planlaştıruda yardäm itmäyäçäk", - dip belderde häm Minukinıñ täêsirsez xälgä kiterelüe “DEAŞ”nıñ global' operaśiyälären "küpkä kimetüen" assızıqladı.
AQŞ ilbaşı, şulay uq, Nigeriyä xökümätenä operaśiyädäge xezmättäşlege öçen räxmät belderde.
Nigeriyä küptännän ilneñ törle öleşlärendä "Boko Xaram" êkstremistik törkeme häm "DEAŞ" belän bäyläneşle "ISWAP" kebek qorallı törkemnärneñ höcümnärenä qarşı köräşä.
Fevral' ayında, qorallı törkemnärneñ höcümnäre köçäygäç, AQŞ cirle köçlärgä künegülär ütkärü, küzläw mäğlümatları belän urtaqlaşu häm texnik yardäm kürsätü öçen Nigeriyäneñ tönyağına yaqınça 100 xärbi xezmätkär çibärde.
