“ROKETSAN” tarafınnan êşlängän häm Törkiyäneñ totqarlaw köçendä möhim étap dip sanalgan “TAYFUN” raketasınıñ aldıñgı versiyäse “Block-2” armiyägä tapşırıldı.
“ROKETSAN” belderüendä “TAYFUN Block-2” Törkiyäneñ köçen häm iminlegen yıraq aralarğa atu mömkinleklären çagıldıruı assızıqlandı. Belderüdä sistemanıñ tulısınça cirle injeneriya häm texnologiyälär belän citeşterelüe belderelde häm: "İlebezneñ totqarlaw köçen tagın da arttıra torgan bu üseş bezneñ kaharman armiyäbez häm söyekle millätebez öçen faydalı bulsın", - dip östälde.
"Bu bezneñ Qarallı Köçlärebezneñ höcüm köçe bulaçaq"
“ROKETSAN” ğomum mödire Murat İkinci, şulay uq, üzeneñ sotsial' media akkauntında “TAYFUN Block-2”neñ Törkiyä Qorallı Köçläreneñ höcüm köçenä kertäçäk öleşen assızıqladı.
İkinci êçke häm milli injeneriya mömkinlekläre belän êşlängän sıstemanı tapşıru turında tübändägelärne bilgeläp ütte:
"Bezneñ Qorallı Köçlärebezneñ höcüm köçe bulaçaq “TAYFUN Block-2” tapşırıldı. Bezneñ êçke häm milli injenerlıq mömkinleklärebez belän êşlängän “TAYFUN Block-2” Törkiyä Qorallı Köçlärenä quät östäyäçäk, bezneñ kaharman armiyäbezneñ kirtäläw köçenä möhim öleş kertäçäk. Min bu qazanışqa öleş kertkän barlıq xezmättäşläremne çın küñeldän qotlıym häm bu tapşırunıñ ilebez häm millätebez öçen faydalı buluın telim."
Törkiyäneñ saqlanu sänäğatendä êçke citşterü tempı artuın köçäytüçe bu täêminat belän Törkiyä Qorallı Köçläreñneñ strategik nişannarğa qarşı yıraq arağa höcüm itü säläte tagın da yuğarıraq däräcägä kütärelde.
