Ukraina ilbaşı Volodimir Zelenskiy Rusiya armiyäseneñ 24 may könne başqala Kiyevkä köçle hawa höcüme oyıştıruın häm anda êzläw-qotqaru êşläreneñ däwam itüen belderde.
Zelenskiy Kiyevneñ ike rayonında êzläw-qotqaru êşläreneñ däwam itüen äytep: “Kiyevtä yaqınça 300 bina zıyan kürde. Alarnıñ kübese toraq yortlar”, — dip belderde.
Zelenskiy höcüm näticäsendä Kiyevtä 2 keşeneñ hälaq buluın, 87 keşeneñ, şul isäptän 3 balanıñ yaralanuın citkerde.
Ukraina ilbaşı Volodimir Zelenskiy kiçäge höcümnär näticäsendä barlığı 6 töbäkneñ zıyan kürüen dä äytte.
Ukraina hawa köçläre komandanlığı tarafınnan yasalğan yazmaça belderüdä Rusiya armiyäseneñ kiçä tönlä ilgä törle tiptağı 262 qorallı pilotsız oçu apparatı belän höcüm yasawı citkerelde.
