Törkiyä ilbaşı Räcäp Tayyip Ärdoğan utırğan maşina Törkiä häm Qazaqstan bayraqları belän bizälgän yuldan Bäysezlek sarayına kilep citte. Ärdoğannı biredä Qazaqstan däwlät başlığı Qasıym-Comart Toqayev qarşı aldı.

İke il liderı tantana uzaçaq zalğa ütkännän soñ, xärbi orkestr ike ilneñ dä milli gımnnarın başqardı. Ärdoğan tantana saqçıların sälamläde.

Deleqaśiyalärne tanıtqannan soñ ike lider qul qısıştı häm jurnalistlar alarnı räsemgä töşerde. Annarı Ärdoğan häm Toqaev üzara söyläşügä üttelär.

Üzara söyläşüdän soñ Törkiyä ilbaşı Törkiä-Qazaqstan Yuğarı däräcäle strategik xezmättäşlek şurasınıñ altınçı utırışı belän citäkläyäçäk.

İke lider ike yaqlı kileşülärne imzalaw tantanasında häm matbuğat oçraşuında qatnaşacaqlar.

Tantanada Törkiyäneñ tışqı êşlär ministrı Xaqan Fidan, Milli mäğarif ministrı Yosıf Täkin, Milli saqlanu ministrı Yaşar Gülär, Sänäğät häm texnologiya ministrı Mäxmät Fatix Kacır, Säwdä ministrı Ömär Bolat, Törki däwlätlär oyışmasınıñ Aqsaqallar şurası räise Binali Yıldırım, İlbaşı idaräseneñ êlemtä bülege citäkçese Burhanettin Duran, Saqlanu sänäğäte başlığı Haluk Görgün, İlbaşınıñ tışqı säyäsät häm qurqınıçsızlıq buyınça baş kiñäşçese Akif Çağatay Kılıç häm “Aq” partiya räise urınbasarları da qatnaştı.