Yaponiyadäge Şova daru universitetı tikşerenüçeläre 20 gramm tartılğan qahwäne 400 millilitr qaynar suğa quşıp, yäşlärdän yartı metr yıraqlıqqa quydı.

Qahwä isen sizgänçe häm 5 minut sizep utırğannan soñ yasalğan ülçäwlär tübändäge näticälärne birde: studetnlarnıñ alcaw, stress, borçu, baş butalu häm depressiya ballarında tübänäyü küzätelde.

Ênergiya häm canlılıq xiseneñ tiz arada artuı küzätelmäsä dä, qahwä iseneñ kübräk tiskäre xislärne ciñeläytüe bilgelände.

“Relaksaśiya indeksı”nda artu açıqlandı, ul baş miyendäge alfa, beta häm teta dulqınnarı nisbätennän isäplänä.

İs sizü, xäter häm kötkännär arasındağı bäyläneş

İs sizü sistemasınıñ baş miyendäge xislär häm xäter üzäkläre belän turıdan-turı bäyle buluı bilgele.

Qahvä ise irtänge tärtip, yal itep alular yäki duslar belän söyläşep utıru kebek uñay xätirälärne uyata dip farazlana.

Tikşerenüçelär bilgeläp ütkänçä tikşerenüdä bernindi kontrol törkem dä qullanılmağan häm qatnaşuçılarnıñ qahwä êçü ğadätläre centekläp tikşerelmägänlektän, näticälär tögäl dälillär tügel, ä başlanğıç näticälär bulıp tora.

Qatnaşuçılarnıñ biş minut tınıç qına yal itüe dä käyefläreneñ yaxşıruına öleş kertkän dip farazlana.