İlbaşı idaräseneñ 7nçe Xalıqara yaxta yarışlarınıñ öçençe êtabı bulğan Ciñü kuboğı tämamlandı.

İlbaşı idaräseneñ ximayäsendä Mädäniyät häm turizm ministrlığı belän Yäşlär häm sport ministrlığınıñ öleş kertüe belän İstanbul vilayät idaräse (gubernatorlığı) häm Törkiyä turizm tanıtu häm üsterü agentlığı (TGA) xezmättäşlegendä İstanbul açıq diñgez yaxta yarışı klubı tarafınnan oyıştırılğan İlbaşı idaräseneñ 7nçe Xalıqara yaxta yarışlarınıñ öçençe êtabı bulğan Ciñü kuboğı 58 komanda häm 600dän kübräk sportçı qatnaşuında Çırağan Sarayı aldınnan başlanıp kitte.

30nçı avgust Ciñü bäyrämeneñ mirası xörmätenä oyıştırılğan maxsus êtapta cilkännär, yarış başlanğaç, Bosfor buğazınıñ qatı cillärenä qarşı açıldı.

Ciñü kuboğın Sälim Kakış citäkçelegendäge "Zacapa" köymäse yawladı. Oğuz Ayan citäkçelegendäge "Angel's Of CMC Holding" taqımı ikençe bulsa, Lävänt Päynirci citäkçelegendäge "Enka" törkeme dä yarışnı öçençe urında tämamladı.

​​​​​​​İstanbul açıq diñgez yaxta yarış klubı başlığı Äkräm Yämlihaoğlu, 30nçı avgust Ciñü bäyrämendä mondıy çaranı ütkärgännäre öçen bik ğorurlanuların belderep: "600dan kübräk sportçıbıznıñ, bayrağıbız belän bizälgän cilkän köymälär belän alıp barılğan bu köräşe danlı tarixıbızğa häm ciñü mirasıbızğa layıqlı küreneş täqdim itte. Bez barı tik sport bäygesen genä ütkärmädek. Uzğanlığıbızğa räxmätebez bilgese bulğan şuşı däw çarağa öleş kertkän barlıq oyışmalarıbızğa häm yar buyların tutırıp bu kütärenke ruxnı urtaqlaşqan istanbullılarğa räxmät äytäm”, dide.