Törkiyä yustitsiya ministrı Aqın Gürläk İnterpoldan Netanyaxuğa "genotsid" öçen cawaplılıqqa tartılu säbäple qızıl bülleten' sorawın citkerde.
Ministr Gürläk sotsial' media akkauntındağı belderüendä Ğazzägä gumanitar yärdäm iltergä çıqqan Global' flotiliya aktivistlarına xalıqara sularda höcüm itü buyınça mäxkämä protsessınıñ däwam itüen assızıqladı.
Gürläk İstanbulnıñ 11nçe Yuğarı mäxkämäse, Netanyaxu häm Afek Moskoviçnı da kertep, 35 ğayeplänüçegä qarşı cinayät' êşen alıp baruın belderde häm bolay dip östäde:
"2026 yılnıñ 14 iyulendä Netanyaxu häm Afek Moskoviçqa "genotsid" ğayepläwläre buyınça çığarılğan qulğa alu orderlarına turı kiterep, bezneñ Yustitsiya ministrlığı êçke êşlär ministrlığınnan alarnı xalıqara qulğa alu öçen qızıl bülleten' sorawın belderde, häm tiyeşle dokumentlar bezneñ tışqı êşlär ministrlığına cibärelde."
Yustitsiya ministrı Ğazzädä genotsid säyäsäte alıp baruçı Netanyaxu administratsiyaseneñ qağılğısız häm cawaplı tügel digän fikernı bötenläy qabul itmäwlären belderde häm: "Bez Ğazzädä qılınğan cinayät'lärne yäşerergä, şulay uq, cawaplı keşelärne cäzasız qaldırırğa häm yaqlarğa röxsät itmäyäçäkbez" - dide.
Törkiyä 2025 yılnıñ noyabrendä Ğazzädäge genotsidtağı role öçen Netanyaxu häm başqa berniçä şöbhälegä qarata qulğa alu orderların çığardı.
