Törkiyä ênergetika häm tabiğıy resurslar ministrlığı belderüenä qarağanda, Baqı Ênergetika Atnalığında Törkiyä belän Azärbaycan arasındağı nıqlı ênergetika mönäsäbätläre yaña êtapqa küçte.
Baqı Ênergetika Forumı qısalarında tabiğıy gaz belän täêmin itü kileşügä qul quyılğaç, 2029 yıldan başlap “Abşeron” yatmasında yaña qazanış investitsiyäläre qısalarında Törkiyägä barlığı 33 milliard kub metr tabiğıy gaz cibäreläçäk.
Bu adım Törkiyäneñ ênergetika ölkäsendä üzäk il bulu küzallawın xuplawnı maqsat itep quya. Anıñ töbäkneñ häm Awrupanıñ ênergetika ixtiyacın qanäğatländerügä öleş kertüe kötelä.
Ênergetika häm tabiğıy resurslar ministrı Alparslan Bayraktar ğıynwar başında Azärbaycan belän ğomumi küläme 33 milliard kub metr bulğan yaña kileşügä qul quyıluın citkerde. Ul bolay dide: "Azärbaycandagı “Abşeron” yatmasınnan yılına 2,25 milliard kub metr, 15 yıl êçendä tulayım küläme 33 milliard kub metr cibäreläçäk".
