Êçke eşlär ministrlığı beldergänçä, Kiprnıñ Girnä buyı yarında su tula başlağan yulçı korabı öçen êzläw-kotqaru operatsiyäläre däwam itä.
Tönyaq Kipr Törek cömhüriyäte êçke êşlär ministrlığı Girnä yarında batu qurqınıçı astında bulğan yulçı qorabın qotqaru operatsiyäse turında matbuğat relizı çığardı.
Ministrlıq belderüenä qarağanda, 2026 yılnıñ 30 avgustında Kiprdağı Girnä portınnan Törkiyäneñ Märsin töbäge Taşucu portına yul totqan, 259 yulçı häm 8 êkipaj äğzası bulğan "FILOJET" yulçı korabı su astına kitä başlağan häm porttan 4 çaqırım yıraqlıqta batu qurqınıçı astında qalğan.
Belderüdä äytelgänçä, bu xaqtağı xäbärdän soñ, Törkiyä häm Tönyaq Kipr Törek cömhüriyätennän küpsanlı törkemnärneñ däwam itüçe tırışlıqlar qısalarında rayonğa cibärelüe assızıqlandı häm tübändäge mäğlümat birelde:
“Êzläw häm qotqaru operatsiyäläre qısalarında töbäkkä Tönyaq Kipr Törek cömhüriyäte Yar buyı saqçılarına qarağan dürt yözüçe berämlek häm “AKGÜNLER” 3 yulçı korabı cibärelde, ä bezneñ Yar buyı saqçıları bu töbäkkä 5 yözüçe berämlek häm 2 Yar buyı saqçıları boralağı cibärde. Monnan tış, töbäktä alıp barıla torğan operatsiyälärgä yärdäm itü öçen Xärbi-diñgez köçläre tarafınnan altı xärbi-diñgez sudnosı cibärelde. Êzläw-qotqaru operatsiyäläre tiyeşle bülekçälär arasında koordinatsiyälängän räweştä çentekle başqarıla”.
