2017 yıldan birle “TRT” oyıştırğan häm dönyanıñ törle poçmaqlarınnan kürenekle şäxeslärne berläştergän “TRT World Forum” global dialogqa öleş kertüen däwam itä.
İstanbul Kongress üzägendä başlanğan häm İlbaşı Räcäp Tayyıp Ärdoğan qatnaşqan forumda ğalimnär, jurnalistlar, sportçılar, sänğat ähelläre, säyäsätçelär häm ictimağıy oyışma wäkilläre dönyanıñ iñ aktual mäsälälären tikşeräçäk.
Forumnıñ berençe könendä İlbaşı Räcäp Tayyıp Ärdoğan, İlbaşınıñ cämäğatçelek belän êlemtä idaräse başlığı Burxanettin Duran häm “TRT” ğomum mödire Mäxmäd Zahid Sobacı açılış çığışları yasıy.
Vitse-prezident Cäwdät Yılmaz "Törkiyä: Töbäk köçennän töbäkara akterğa" dip atalğan panel diskussiyäsendä çığış yasayaçaq, ä Milli küzläw oyışması (MİT) citäkçese İbrahim Kalın "Xalıqara xoquq häm gumanitar çimerelü kiseşendä Ğazzä" dip atalğan panel diskussiyäsendä fikerlären belderäçäk.
Yıllar däwamında “TRT World Forum” xalıqara kön tärtibenä törle qaraşlarnı berläşterde, häm üzeneñ 10nçı yılında ul tağın ber tapqır dönyada köç häm liderlıq balansınıñ üzgärüenä iğtibar itäçäk.
Soñğı 10 yıl êçendä 86 açık häm 76 yabık sessiyalärdä meñlägän qatnaşuçı belän 801 spikerne berläştergän forum törle qaraşlar häm täcribälär belän urtaşlaşu öçen platforma buldırdı.
Bu yılğı forumda global häm töbäk östenlekläre häm kön tärtibe qaralaçaq, anda yasalma aqıl, ênergetika krizisları, xalıqara xoquq häm iqtisad şikelle temalar yaqtırtılaçaq.
Monnan tış, Aziya-Tın okean töbägendäge qurqınıçsızlıq dinamikasınnan alıp Awraziya strukturasına qadär, Rusiyä-Ukraina suğışınnan alıp Afrikadağı diplomatiya häm geoiqtisadqa qadär küp temalar üz ölkälärendäge belgeçlär qatnaşında oyıştırılğan tügäräk östäl utırışlarında qaralaçaq.
