Fälästinnneñ räsmi xäbär agentlığı "Wafa" beldergänçä distälärçä izraille qanunsız kilep urnaşuçı İzrail poliśiyase saqlawı astında yawlap alınğan Könçığış Qodüstäge “Äl-Aqsa” mäçete kompleksına bastı.
"Wafa" citkergänçä cirle çığanaqlar qanunsız kilep urnaşuçılarnıñ pänceşämbe irtän İzrail poliśiyase belän komplekska kerüen häm Talmud ritualların başqaruın belderde.
“Äl-Aqsa” mäçete — möselmannar öçen dönyanıñ öçençe iñ izge urını. Yähüdlär bu töbäkne "Ğibadätxanä qalqulığı" dip atıylar häm monda antik çorda ike yähüd gıybadätxanäse bulğan dilär.
İzrail poliśiyase 2003 yıldan birle comğa häm şimbä könnärennän tış, qanunsız kilep urnaşuçılarnıñ “Äl-Aqsa” kompleksına kerüenä röxsät birä.
Fälästinneñ Waqıflar häm dini êşlär ministrlığı mäğlümatlarına qarağanda, aprel’ ayında qanunsız izraille kilep urnaşuçılar mäçetkä 30 tapqır basqın oyıştırğan.
Fälästinlelär İzrailneñ distälärçä yıl buyı “Äl-Aqsa”nı da kertep, yawlap alınğan Könçığış Qodüsne yähüdläşterü tırışlıqların köçäytüen; şähärneñ fälästinle häm İslam tanıqlığın beterergä tırışuın citkerä.
