1992 yılnıñ 6 noyabrendä Tatarstanda berençe märtäbä möstäqıyl Konstitutsiyä qabul itelde. Bu data cömhüriyät öçen bik zur ähämiyätkä iyä - älege dokument berençe tapqır Tatarstan öçen maxsus yazıldı. Älbättä, soñraq aña şaqtıy ğına üzgäreşlär kertelde.
Tatarstan räise Röstäm Miñnexanov Konstitutsiyä köne uñayınnan xalıqqa möräcäğat itte. "34 yıl êlek respublikabıznıñ Töp qanunı – üseşebeç öçen xoquqıy nigez bulu belän berrättän, çın mäğnäsendä tayanıç noqtası da bulıp torğan dokument qabul itelde. Ul Tatarstanda yäşäwçe törle millät häm din wäkillären berläşterde, grajdannarnıñ xoquqların häm ireklären garantiyäläwne bilgeläde, respublikanıñ sotsial-iqtisadıy häm ictimağıy-säyäsi üseşenä, ruxi yañarışına êtärgeç birde", - dide Tatarstan räise Röstäm Miñnexanov üzeneñ qotlawnamäsendä.
