AQŞ İlbaşı Donald Tramp NATO Liderlar sammitı aldınnan Änkaradağı urtaq matbuğat oçraşuında, Törkiyä Däwlät başlığı Räcäp Tayyip Ärdoğannı xörmätkä layıq dönya liderı dip atap, üzen maqtadı.

İlbaşı Räcäp Tayyip Ärdoğan sişämbe könne Änkaradağı İlbaşı qolliyäsendä AQŞ İlbaşı Donald Trampnı räsmi tantana belän qarşı aldı.

Törkiyäneñ F-35 xärbi oçqıçlarınıñ satıp alınuı belän bäyle bularaq Tramp: "Bu bez qabul itäçäk qarar bulaçaq”, - dip äytte.

Tantana waqıtında xärbi oçqıçlar kük yözendä oçış yasağanda Tramp törek telendä "Merhaba asker" (İsänmesez, ğaskärilär”) diyep törek xärbilären sälamläde.

AQŞ İlbaşı xörmätenä yädrädän 21 tapqır atış yasaldı.

Tramp qolliyägä kilgäç Törek hawa köçläreneñ akrobat pilotaj törkeme bulğan Törek yoldızları AQŞ İlbaşın qarşı alu maqsatı belän tantanalı oçış başqardı.

İlbaşı Ärdoğan Trampnı Änkara hawa mäydanında şäxsän üze qarşı alğan ide.