Törkiyä ilbaşı apparatınıñ Êlemtä idaräse tarafınnan İstanbulda oyıştırılğan Xalıqara Strategik Kommunikatsiyalär Sammıtı (STRATCOM 2026) qısalarında älege idarä häm Azärbaycan Media Üseş Agentlığı arasında üzara añlaşu memorandumı imzalandı.

Üzara añlaşu turındağı memorandumğa İlbaşınıñ êlemtä idaräse citäkçese, professor, doktor Borxanetdin Duran häm Azärbaycan Media üseşe agentlığı citäkçese Äxmät İsmailov qul quydı.

Törkiyä-Azärbaycan urtaq media platforması qısalarında urtaq êş komissiyäläre häm komitetları buldıru turındağı üzara añlaşu memorandumı Törkiyä häm Azärbaycan arasında sifrlı häm sotsial’ media, audiovizual’ media, strategik kommunikatsiya häm krizis belän idarä itü ölkälärendä ğamäldäge xezmättäşlekne üsterüne küzdä tota.