Xäzär torbaütkärgeç konsorŝiumı (CPC), yäkşämbe könge belderüendä, Liberiya bayraqlı “ASIA” häm Marşall utrawları bayraqlı “NISSOS IOS” isemle ike neft’ tankerınıñ Qara diñgezdäge terminal yanında bulğanda keşesez hawa apparatları (dronnar) tarafınnan höcümgä duçar buluın citkerde.
“CPC”nıñ belderüenä kürä, höcümnän soñ neft yökläw operŝiyaläre tuqtatılıp tordı.
Ülem oçraqları yäki neft ağıp çıqunıň bulmawın äytkän “CPC”, “ASIA” tankerında yanğın çığuın, läkin aşığıç yärdäm törkemnäre tarafınnan sünderelüen citkerde.
“CPC” xalıqara xoquq qısalarında saqlanuçı grajdanlı obyektka qarşı bişençe tapqır oyıştırılğan bu höcümne ğäyepläde.
Belderüdä: "Xäzär torbaütkärgeç konsorŝiumı Rusiä, Amerika Quşma Ştatları, Qazaqstan häm berniçä Könbatış Awrupa ileneñ iñ zur yağulıq häm ênergiya şirkätlären berläşterä. Şirkät qorılmasına häm “CPC” diñgez terminalındağı xärbi bulmağan köymälärgä yasalğan höcüm, konsorŝium äğzası bulğan illärneñ mänfäğätlärenä dä höcüm bulıp tora," - dip äytelde.
