Rumıniyä şimbä könne hawa kiñlegen bozğan ber keşesez hawa apparatın bärep töşerde. Bu räweşle ildä ike kön êçendä ikençe tapqır oxşaş waqiğa yäşände.

İlbaşı Nicuşor Dan keşesez hawa apparatınıñ cirle waqıt belän säğät 08.30da Dunay deltasındağı Sfıntu Georgeneñ yaqınça 10 çaqrım könbatışında täêsirsez xälgä kiterelüen äytte.

Rumıniyä Saqlanu ministrlığı hawa transportınıñ berniçä minut aldan bilgelänelüen häm şunnan soñ ike “F-16” xärbi oçqıçınıñ xäräkät itüen belderde.

Räsmilär keşesez hawa apparatınıñ çığanağın älegä açıqlamadı. Fäqät prokurorlar comğa könne bärep töşerelgän keşesez hawa apparatınıñ Rusiyäneke buluın iğlan itte.

Küp yıllar däwamında qabatlanğan hawa kiñlegen bozu oçraqlarınnan soñ Rumıniyä şulay itep üz hawa kiñlegenä kergän hawa transportın berençe tapqır yuq itte.