Üzbäkstan ilbaşı Şäwkät Mirziyayev pedofiliya cinayäte öçen ğomerlek törmä cäzası bilgeli torğan färmanğa qul quydı.

Üzbäkstan İlbaşı idaräse sişämbe könne ukaznıñ imzalanuı turında xäbär itte. Mirziyayev moña qädär ministrlıklarara şura utırışında xatın-qızlar häm balalar xoquqların yaqlaw sistemasın tağın da köçäytügä yünälderelgän täqdimnärne häm iniŝiativalarnı qarap çıqqan ide.

Añlatmada äytelgänçä, yaña tärtipkä salu şulay uq xatın-qızlarğa häm balalarğa qarata censi yaqtan tınıçsız itü häm köç qullanu oçraqların buldırmıy qalunı maqsat itep quyuçı täqdim häm proyektlarnı üz öçenä ala. Bu mäs'älälär iñ yuğarı däräcädä küp tapqırlar bäxäsläşelde; xoquq saqlaw organnarına häm başqa tiyeşle däwlät oyışmalarına maxsus wazıyfalar birelde.

Belderüdä censi yaqtan tınıçsız itü öçen cäzalarnı qırıslaştıru häm pedofiliya öçen gomerlek törmä cäzası kertü kebek täqdimnärneñ dä qaraluı äytelä.

Şulay uq: "Täqdim itelgän iniŝiativalarnı xuplap, ilbaşı tiyeşle färmanğa qul quydı häm räsmi zatlarğa yaña çaralarnı xalıqqa kiñ citkerergä quştı," — dip bilgeläp ütelä.