Säfäre qısalarında Törkiyä ilbaşı Räcäp Tayyip Ärdoğan wazifadaşı İlham Äliyev belän dä oçraşaçaq. Oçraşuda ike il arasındağı mönäsäbätlär häm xezmättäşlek ölkäläre qaralaçaq.

Törkiyä İlbaşı Räcäp Tayyip Ärdoğan 8 noyabr’ - Azärbaycannıñ Ciñü köne bäyrämnärendä qatnaşu öçen İstanbuldan Qarabaxqa yul tottı.

İlbaşı Ärdoğannı ozatu tantanası Atatörek isemendäge aêroportta uzdı. Anı ilbaşı urınbasarı Cäwdät Yılmaz, İstanbul gubernatorı Dawıt Gül häm “Aq” partiyaneñ İstanbuldağı başlığı Abdullah Özdämir ozattı.

İlbaşı Ärdoğan yanında xäläl cefete Äminä Ärdoğan belän bergä tışqı êşlär ministrı Xaqan Fidan, Awıl häm urman xucalığı ministrı İbrahim Yumaklı, Milli küzläw oyışması başlığı İbrahim Kalın, İlbaşı idaräseneñ êlemtä bülege başlığı Burhanettin Duran, İlbaşınıñ tışqı säyäsät häm iminlek mäs'äläläre buyınça baş kiñäşçese Akif Çağatay Kılıç, “Aq” partiyaneñ ğomum başlıq urınbasarı häm Törki däwlätlär belän mönäsäbätlär buyınça cawaplı Kürşad Zorlu, şulay uq Törki däwlätlär oyışmasınıñ Aqsaqallar şurası räise Binali Yıldırım da bar.

Ärdoğan Äliyev belän ike yaqlı oçraşu ütkäräçäk

İlbaşı Ärdoğan Azärbaycan prezidentı İlham Äliyev belän bergä xärbi paradta qatnaşaçaq.

Säfär qısalarında Ärdoğan Äliyev belän üzara küreşep söyläşäçäk.

Oçraşuda Törkiyä belän Azärbaycan arasındağı tarixi tuğanlıq mönäsäbätläre häryaqlap bäyälänäçäk. Xezmättäşlek ölkälären tağın da üsterü mäs'äläläre buyınça fiker alışu bulaçaq. Ärdoğan-Äliyev söyläşüendä töbäk häm global' mäs'älälär dä kön tärtibenä kiläçäk.