DÖNYA
1 min uqıu
ASEAN sammitı berdämlek çaqıruı belän Filippindä başlandı
Filippin ilbaşı Ferdinand Markos töbäk qıyınlıqların xäl itü öçen äğza illär arasında kollektiv qarar qabul itü protsessınıñ ähämiyäten assızıqladı.
ASEAN sammitı berdämlek çaqıruı belän Filippindä başlandı
ASEAN sammitı / AFP (Wire)

Regional häm global problemalarnı qaraw öçen 11 äğzadan torğan  blok liderların berläştergän Könyaq-Könçığış Aziya illäre berlegeneñ (ASEAN) 49nçı sammitı Filippin başqalası Manilada başlandı.

Bloknıñ çirattağı räise Filippin ilbaşı Ferdinand Markos Pasay şähärendäge açılış çığışında äğza däwlätlärne berdämlek häm xezmättäşlekkä çaqırdı.

Yäkşämbe könne töbäk liderlarına möräcäğat itep, Markos bolay dide:

«Zurlıq, tarix, mädäniyat häm şartlar yağınnan törle buluıbızğa qaramastan, bez biregä tigez xoquqlı parnyerlar bularaq cıyıldıq. Bez xalıqlarıbıznıñ ömetlären urtaq maqsatqa äyländerü cawaplılığına iyä .Törle yaqlardan kilgän bulsaq ta, bez bergä alğa baru yulın sayladıq».

«Kiläçägebezne bergäläp formalaştıru» digän tema astında uza torğan öç könlek sammitta Braziliya ilbaşı Luis İnasio Lula da Silva da qunaq bularaq qatnaşa.