BMO ğomum särqatibe Antoniu Guterreş sişämbe könne yasağan belderüendä Törkiyäneñ Urta diñgez buyındağı Antaliya şähärendä uzuçı “COP31” Klimat üzgäreşe konferenśiyasen oyıştıruın maqtadı.

9 noyabr’ düşämbe könne başlangan häm 20 noyabrgä qadär däwam itäçäk yıllıq klimat konferenśiyase turında “Anadolu” agentlığına intervyu birgän Guterreş: «Min küp “COP” sammitlarında qatnaştım häm Törkiyäneñ “COP” konferenśiyasen yuğarı sıyfatlı itep oyıştıruınnan çınnan da täêsirländem», — dide.

Guterreşnıñ bu bäyäse AQŞta urnaşqan, tabış alu maqsatı bulmağan “ReFED” oyışması citäkçese Dana Gunders düşämbe könne Törkiyäneñ azıq-tölek israfına qarşı köräştä illärne berläşterü tırışlıqların maqtap yasağan belderülärennän soñ yañğıradı.

Gunders Törkiyäneñ «Qaldıqsız dönya» iniśiativasına häm berençe xanım Äminä Ärdoğannıñ bu mäs'älägä xalıqara däräcädä kübräk iğtibar cälep itüdäge rollärenä dä iğtibar yünältte.

Dönyanıñ törle poçmaqlarınnan qatnaşuçılarnı berläştergän yıllıq «Qaldıqsız dönya» forumına işaräläp, Gunders: «Törkiyä “COP” häm “Qaldıqsız dönya” waqıfı aşa köçle citäkçelek kürsätä», — dide.

Gunders şulay uq Äminä Ärdoğannıñ azıq-tölek israfı mäs'äläseneñ xalıqara kön tärtibeneñ yuğarı urınnarına menüenä yärdäm itüen belderde.

«Minemçä, berençe xanımnıñ yärdäme belän bu mäs'älägä birelgän iğtibar şaqtıy arttı», — dip östäde ul.