Ğiraq tışqı êşlär ministrı Fuad Xösäyen AQŞnıñ Bagdat citäkçelegennän İran belän çik buyı qapqalarınıñ kübesen yabunı räsmi räweştä taläp itüen belderde.
“Al Jazeera” telekanalına interv'yu birgän Xösäyen Vaşington citäkçelegeneñ Ğiraq belän İran arasındağı çik buyı qapqalarınnan ikesen genä açıq qaldırunı, qalğannarın yabunı taläp itüen äytte.
Ğiraqnıñ İran belän mönäsäbätläre turında söylägändä Xösäyen Tähran citäkçelege belän duslıq häm berlektäşlekkä äzer buluların, läkin illäreneñ êçke êşlärenä qatışunı qabul itmäyäçäklären citkerülären belderde.
Töbäktä suğış yañadan başlanu ixtimal
Töbäktäge waqiğalarğa bäyä birgändä Xösäyen xäzerge şartlarnıñ Yaqın Könçığışta suğışnıñ yañadan başlanu mömkinlegenä işaräläwen citkerde.
Ormuz buğazı aşa neft' êksportınıñ tuqtap toruı säbäple, Ğiraqnıñ yaqınça 60 milliard dollar zıyan kürüen äytkän Fuad Xösäyen AQŞ häm İran belän tözelgän kileşülärdän soñ neft' cibärüneñ yañadan başlanuın xäbär itte.
Ğiraq Süriyä çigendä xärbi êşçänleklären däwam itterä
Xösäyen Süriyädä “DEAŞ” terror oyışmasına qarşı köräş qısalarında Ğiraq, Süriyä, Yordaniya häm Törkiyä qatnaşında dürt yaqlı komitet tözelüen belderde.
Ğiraqnıñ Süriyä belän çigendä “DEAŞ” äğzalarınıñ ilgä ütep kerüen buldırmaw häm narkotik matdälär kontrabandasına qarşı köräşü maqsatında xärbi êşçänleklärne däwam itterüen äytkän Xösäyen çik buyı iminlegen täêmin itüneñ ile öçen östenlekle burıçlardan berse buluın assızıqladı.
