Kambodjada mäktäp avtobusı yuldan çığıp, buağa kilep töşä. Hälakättä biş mäktäp uquçısı hälaq bula.
Kandal provintsiyäse politsiyäseneñ belderüendä waqıyğanıñ irtänge säğat'lärdä başqala Pnompennan 49 kilometr tönyaqta buluı äytelä.
Hälakät waqıtında avtobusta 12 yäştän 14 yäşkä qadärge 26 uquçı bulğan. Biş qız ülgän, tağın 21 keşe yaralanğan, alarnıñ öçese awır xäldä.
Politsiyä 31 yäşlek avtobus yörtüçesen qulğa aldı. Şahitlär äytüençä, yörtüçe avtobus zur tizlektä barğanda, qarşısında kinät motosikl päyda bulğannan soñ, idarä itä almağan.
