Berläşkän Ğaräp Ämirlekläre (BĞÄ) başqalası Abu-Dabida Rusiyä, AQŞ häm Ukraina arasında bişençe yılına yaqınlaşıp kilüçe Ukraina-Rusiyä suğışın tuqtatu buyınça öç yaqlı söyläşülärneñ ikençe köne başlandı.

Rusiyäneñ “TASS” agentlığı xäbär itüençä, kiçä başlanğan öç yaqlı söyläşülär qısalarında Rusiyä, AQŞ häm Ukraina delegatsiyäläre bügen qabat oçraştı.

Söyläşülärdä Rusiyä delegatsiyäsen - Rusiyä ilbaşı Vladimir Putinnıñ kiñäşçese Vladimir Medinskiy, ä Ukraina delegatsiyäsen Ukraina Tışqı küzläw xezmäte citäkçese Röstäm Umärov citäkli.

Röstäm Umärov ta sotsial' çeltärlärdä: "Başta bez AQŞ häm Rusiyä belän öç yaqlı oçraşu ütkäräçäkbez. Annarı Awrupa berlektäşlärebez belän ayırım oçraşu ütkäräçäkbez", - dip belderde.

Yaqınça 4 säğat däwam itkän söyläşülärneñ berençe könendä Ukraina krizisı xäl itelgännän soñ töbäk qurqınıçsızlıq sistemasın buldıru mäsäläläre tikşerelde.

Ukraina Awrupa wäkilläreneñ dä söyläşülär protsessında qatnaşırğa tiyeşlegen alğa sörä, ä Rusiyä bu fikergä qarşı.