İran İnqıylab gvardiyäse korpusı pänceşämbe könne, AQŞnıñ İranğa höcümnärenä cawap itep, Amerikanıñ Yordaniyädäge “F-35”, “F-15” häm “F-16” xärbi oçqıçları urnaşqan bazanı utqa totuın belderde.

İnqıylab gvardiyäse üzeneñ köçläreneñ Äl-Azraq hawa bazasına häm AQŞnıñ töp xärbi qorılmaları dip atağan obyektlarğa 12 ballistik raketa cibärüen xäbär itte.

Belderüdä höcümneñ bazadağı qorılmalarnı, şul isäptän, anda urnaşqan küpsanlı Amerika xärbi oçqıçların yuk itüe äytelä.

İnqıylab gvardiyäse höcümnäreneñ AQŞnıñ Tährannan könbatışta Qarac häm Nazarabad yanındağı kurort, sänğat kompleksı häm başqa rayonnarğa, şulay uq, Pişva rayonındağı cirle İnqıylab gvardiyäse bazasına raketa höcümnärenä cawap itep başqarıluın belderde.

İnqıylab gvardiyäse êlegräk AQŞnıñ 18 töp xärbi obyektına, şul isäptän, Kuveyttağı Ali äs-Salim häm Äxmät äl-Cabär bazalarına häm Baxreyndağı Şäex İsa bazasına höcüm itüen citkergän ide.

İran xärbiläreneñ belderülärendä, şulay uq, “Patriot” raketa sistemaları, êlemtä qorılmaları häm Baxreyndağı AQŞnıñ bişençe flotı höcümgä duçar itelüe citkerelde.

Bu waqıygalar AQŞnıñ kön’yaq İranğa höcümnärennän häm annan soñ İrannıñ töbäktäge AQŞ xärbi aktivlarına höcümnärennän soñ buldı.