Könyaq Afrikanıñ Yoxannesburg şähäreneñ könbatışında barda bulğan qorallı höcümdä 17 keşe hälaq bulğan, 15 keşe yaralanğan.
Bu - ildä ber-ber artlı bulğan kümäk höcümnärneñ soñğısı.
Poliśiya mäğlümatlarına qarağanda, avtomatlar belän qorallanğan 8 höcümçe şimbä könne säğat’ 19:30 tiräsendä barğa bärep kerä häm andağı qayber keşelärne tikşergännän soñ alarnıñ kesä telefonnarın tartıp ala.
Şikle keşelär ike maşinada waqıyğa urınınnan qaçqançı ike maşinağa ut törtä.
Hälaq buluçılarnıñ 13e ir-at, 4se xatın-qız buluı belderelä.
Şulay uq, yäkşämbe irtäsendä Keyptaun yanındağı başqa ber küñel açu urınında bulğan qorallı höcümdä 10 keşe hälaq bulğan, 11 keşe yaralanğan.
Wäqalätlelär höcümnärneñ säbäbe älegä bilgele bulmawın, ä cinayätçelärne totu öçen detektivlar häm maxsus törkemnärneñ cälep itelüen belderä.
Yaqınça 62 million xalqı bulğan ildä könenä urtaça 60 keşe üterelä häm ul dönyada cinayätçelek däräcäse iñ yuğarı bulğan illärneñ berse sanala.
