Kayserida Talas mêrı Mostafa Yalçınnıñ qızların söyenderer öçen yıllar däwamında satıp alğan uyınçıqları 25 ildän 229 qurçaqtan torğan kolleksiyägä äylängän.
Kollektsiyädä Polşa, Germaniyä, Vengriyä, İspaniyä, Rumıniyä, Braziliyä häm Mongoliyä kebek küp illärdän qurçaqlar, xätta Amerika indeyeslarınıqı bar.
Nigezdä farfor qurçaqlardan torğan kollektsiyädä, şulay uq, Kayserinıñ Yäşilxisar rayonında xatın-qızlar tarafınnan yasalğan töbäk hönärçelege ürnäge bulğan Soğanlı tuqıma qurçağı da bar.
Talas mêrı Mostafa Yalçın täwge qurçağın 34 yıl êlek Germaniyägä säyäxäte waqıtında ber yäşlek qızı öçen satıp aluın äytä.
Yalçın qurçaqlarnıñ saflıq, ixlaslıq häm mäxäbbät çağılışı buluın, häm ikençe qızları tuğaç älege uyınçıqlar belän qızıqsınuları artuın söyli.
"Xäzerge waqıtta bezdä 25 ildän 229 qurçaq bar. Xätta öydä alar öçen maxsus bülmä dä buldırdım, anda kiştälär häm vitrina bar. Min alarnı üzem dä qarıym", - di ul.
Yalçın bu 229 qurçaqnı 14 noyabrdä Kayserida Räcäp Tayyip Ärdoğan isemendäge millät baqçasındağı şähär galereyasında "Dönya qurçaqları" kürgäzmäsenä quyaçağın belderde.
