İzrail ğaskäriläre yaw astındağı Yordannıñ könbatış üzänlegeneñ Bäytüllahim şähärendä basqın oyıştırğan mäçettä irtänge namaz uquğa röxsät birmägän.

Fälästin xäbär agentlığı “WAFA” mäğlümatlarına qarağanda İzrail ğaskäre Bäytüllahimneñ könçığışında urnaşqan Bäyt Faluh töbägendäge “Zeyr” mäçetenä basqın yasağan.

Cirle xalıqnıñ irtänge namaz uquına qomaçawlağan İzrail ğaskäriläre keşelärne mäçet tışında berniçä säğät buyı totqarlap torğan.

İzrail ğaskäre 18 iyüldä dä Bäytüllahimneñ Xusan awılındağı ber mäçettä irtänge azan äytelüenä häm namaz uqıluına qomaçawlağan ide.

İzrail ğaskäriläre keşelärne mäçettän mäcbüri räweştä çığarıp, tawış bombası ırğıttı häm küzdän yäş kiterä torğan gaz siptergän ide.

İzrail 2023 yılnıñ oktyabrendä Ğazzä sızığına kiñ külämle höcümnär başlağannan birle yaw astındağı Yordannıñ könbatış üzänlege häm Könçığış Qodüstä dä fälästinlelärgä qarşı basqınnar, qulğa alular häm qorallı höcümnär şaqtıy arttı.