İrannıñ “İRNA” räsmi xäbär agentlığı citkergänçä, İran ilbaşı Mäsud Päzäşkiyan başqala Tähranda uzdırılğan Milli Ğailä tabibı programması tantanasında çığış yasap, AQŞ belän däwam itüçe bäreleşlärgä qağılışlı belderülär yasadı
AQŞnıñ İranğa qarşı höcümnärenä tuqtalıp Päzäşkiyan bolay dide:
“Bez cir bötenlegebezne barlıq köçebez belän saqlayaçaqbız, ämma suğışnı kiñäytergä dä, anı däwam itterergä dä telämibez”.
Päzäşkiyan ildäge sälamätlek saqlaw sistemasın üsterüneñ möhimlegen assızıqlap bolay dip äytte:
“Kiñ qolaçlı sälamätlek saqlaw sistemasına iyä cämğıyät zıyan häm qurqınıçlarğa qarşı tağın da çıdamlı bulaçaq. Sälamätlek ölkäsendä ğadellekne täêmin itü — ilne näticäle idärä itüneñ häm totrıqlı üseşne täêmin itüneñ iñ möhim şartlarınıñ berse”.
