Gimalay töbägendä bozlıq massası yuğaluı soñğı 10 yılda, aldağı çorlar belän çağıştırğanda, 65 prośentqa tizräk baruı açıqlandı.

26 avgustta Nepalda, Qıtay çigenä yaqın urında bulğan häm 1300dän artıq keşeneñ ğomeren özgän su basuları Gimalay tawlarındağı bozlıqlarnıñ xälen yañadan iğtibar üzägenä qaytardı.

“Systemiq global'“ konsalting firması häm Hindstanda urnaşqan “Integrated Mountain Initiative” (IMI) oyışması tarafınnan berlektä äzerlängän xisapta Gimalay töbägendä millionlağan keşeneñ qurqınıç astında buluı assızıqlana.

Xisapta töbäktäge bozlıqlar êlekkegesenä qarağanda tizräk êri, häm alarnıñ massası yuğaluı aldağı çorlar belän çağıştırğanda, soñğı 10 yılda 65 prośentqa tizräk bara dip äytelä.

İkençe yaqtan, xisapta töbäktäge yaqınça 40 000 bozlıqnıñ nibarı 0,1 prośentı ğına küzätelä, häm tağın ber qurqınıç faktorı - mäñgelek tuñlıq turındağı mäğlumat tağın da çiklängän dip bilgeläp ütelä.

Xisapta Kön'yaq Aziyädä ike millionnan artıq keşene täêmin itüçe Gimalay tawlarındağı hälakätlär global' täêmin itü çılbırı özekleklärenä, küçenülärgä häm geosäyäsi qurqınıçlarğa kiterergä mömkin dip assızıqlanğan.