Yuğarı xärbi şura  Törkiyä ilbaşı Räcäp Täyyip Ärdoğan räislegendä Bäştäpädä cıyılaçaq.

Qayberäwlär yuğarıraq däräcägä kütäreläçäk, ä qayberläreneñ  wazıyfaları üzgäräçäk. General, admiral häm polkovniklarnıñ wazıyfa başqaru möddätlärenä qağılışlı mäsälälär qaralaçaq.

Yuğarı xärbi şura cıyılışı başlanğançı şura äğzaları Anıtqaberne ziyarät itäçäk.

İlbaşı Ärdoğan räislegendäge bu cıyılışta Ğadälät ministrı Aqın Gürläk, êçke êşlär ministrı Mostafa Çiftçi häm Ciröste köçläre komandirı, armiya generalı Mätin Tokäl berençe tapqır qatnaşaçaq.

Yuğarı xärbi şura utırışında polkovnik däräcäsennän general häm admiral däräcäsenä kütäreläçäk xärbilärneñ, şulay uq ber basqıç yuğarıraq däräcägä kütäreläçäk general häm admirallarnıñ dos’yeları qaralaçaq. Şulay uq ştat citmäw yäki yäş çige säbäple layıqlı yalğa cibäreläçäk xärbilär dä bilgelänäçäk.

Däräcä kütärü häm otstavkağa cibärü mäs’älälärennän tış, köç komandirlıqlarında ixtimal wazıyfa üzgäreşläreneñ  dä qaraluı kötelä.

Yuğarı xärbi şura qararları Törkiyä ilbaşı Räcäp Täyyip Ärdoğan raslağannan soñ cämäğatçelekkä iğlan iteläçäk.