"The New York Times", iyärçennän alınğan räsemnärgä tayanıp, Tähran öçen möhim neft êksportı terminalı bulğan Xarg utrawı sulıqlarında neft taplarınıñ cäyelüen belderde.

Gazet comğa könne xäbär itüençä, bu sarqunıñ säbäbe älegä bilgele tügel. Ul utrawnıñ könbatış yarları yanında başlanğan.

Neft sarquların küzätep baruçı "Orbital EOS" farazlağança, pänceşämbe könenä bu taplar 52 kvadrat kilometrdan artıq mäydannı qaplap alğan.

Ul kön’yaqqa taba — Soğud Ğaräbstanı territorial suları yağına ağa kebek kürenä.

Xarg utrawı İran iqtisadınıñ nigeze bulğan neft êksportı sänäğateneñ üzägendä urñaşqan häm ul Farsı qultığında, strategik möhim Ormuz buğazınıñ tön’yağında.

Xarg utrawı İrannıñ iñ zur neft terminalına, neft ütkärgeçlärenä, saqlaw rezervuarlarına häm şul tarmaqqa bäyle asqormasına iyä.