Paqıstan premyer-ministrı Şähbaz Şärif AQŞ häm İrannıñ Livannı da kertep, barlıq nizağ urınnarında kiçekmästän utnı tuqtatu turında kileşülären belderde.

Şärif çärşämbe könne irtän “X” çeltärendä yasağan belderüendä: "İran İslam cömhüriyäte häm Amerika Quşma Ştatlarınıñ üz berlektäşläre belän bergä Livan häm başqa urınnarnı da kertep, här cirdä kiçekmästän üz köçenä keräçäk utnı tuqtatu turında kileşte", — dide.

Şärif: "İke yaq ta ğädättän tış ziräklek häm añlaw kürsätep, tınıçlıq häm totrıqlılıq êşen alğa êtärü öçen konstruktiv räweştä êşläwen däwam itte", — dip östäde.

Paqıstan premyer-ministrı şulay uq barlıq mäs'älälärne çişü öçen tögäl kileşügä ireşü maqsatınnan AQŞ häm İran delegaśiyälären comğa könne söyläşülär öçen İslamabadka çaqıruın äytte.

Şärif: "İslamabad söyläşüläreneñ daimi tınıçlıqqa ireşüdä uñışlı buluına çın küñeldän ışanam häm kiläse könnärdä tağın da kübräq yaxşı xäbärlär belän urtaqlaşuğa ömetlänäm," — dip belderde.