Törkiyä ilbaşı Räcäp Täyyip Ärdoğan şimbä könne İstanbulda Ukraina däwlät başlığı Volodimir Zelenskiy belän oçraştı.

Alar Rusiya-Ukraina suğışın tuqtatu tırışlıqları, şulay uq regional’ häm global’ waqıyğalar turında fiker alıştılar.

Törkiyä ilbaşı idaräseneñ êlemtä bülege belderüenä qarağanda, Ärdoğan Törkiyäneñ Ukraina belän Rusiya arasında uzaçaq söyläşülärne xuplawın yañarttı, töbäkneñ tınıçlıq häm totrıqlılıqqa moxtaclığın assızıqladı.

Ärdoğan Qara diñgezdä qurqınıçsız diñgez yulı xäräkätenä zur ähämiyät birülären belderep, ênergiyä belän täêmin itü iminlegeneñ möhimlegenä iğ’tibar yünälttе.

Ärdoğan şulay uq Törkiyäneñ Ukraina belän ike yaqlı säwdäne arttıru qatğıylığın citkerde, Änkaranıñ bu yünäleştä kiräkle adımnar yasawnı däwam itäçägen äytte.

Belderüdä Ärdoğannıñ Ukrainanıñ Farsı qultığı illäre belän mönäsäbätlären nığıtu tırışlıqlarınnan qanäğat’ buluın belderüe dä bilgeläp ütelde.

Oçraşu comğa könne Törkiyä ilbaşı Räcäp Täyyip Ärdoğan belän Rusiya däwlät başlığı Vladimir Putin arasındağı telefon söyläşüennän soñ uzdı.