Mediśina çığanaqları häm şahitlar citkergänçä, İzrail pilotsız oçu apparatınıñ Gazzä şähäreneñ könçığışında fälästinlelär törkemenä höcüme näticäsendä 3 fälästinle hälaq bulğan, küp sanda keşe yaralanğan.

Höcüm Tuffah mäxälläsenä bulğan, yaralılar häm hälaq bulğan fälästinlelär Gazzä şähäre üzägendäge Äl-Ähli Baptist xastaxanäsenä häm könbatıştağı  Äl-Şifa xastaxanäsenä kiterelgän.

Şimbä irtäsendä isä Gazzä üzägendäge maşinağa yünältelgän pilotsız oçu apparatı höcümendä 1 fälästinle hälaq bulğan, 3 keşe yaralanğan.

Töbäkneñ başqa öleşläre dä İzrail utına häm diñgezdän başqarılğan bombalawlarğa duçar bulğan.

Şartlar naçaraya

Gazzä sälamätlek saqlaw ministrlığı mäğ’lümatlarına qarağanda, İzrail utın tuqtatu kileşüen bozıp, 700dän artıq fälästinleneñ ülemenä häm yaqınça 2 meñ keşeneñ yaralanuına säbäpçe buldı.

Ministrlıq uzğan yılnıñ 11 nçe oktyabrendä utnı tuqtau köçenä kergännän birle ülüçelär sanınıñ 713 tän artuın häm cimereklär astınnan 756 mäyet tabıluın belderde. 

Utnı tuqtatu kileşüe Ğazzädä ike yıl däwam itkän häm 72 meñnän artıq keşeneñ hälaq buluına, 172 meñ keşeneñ yaralanuına häm grajdan infrastrukturasınıñ 90%ınıñ yuq itelüenä kitergän höcümnärne tuqtatunı küzdä tota ide.  

Berläşkän Millätlär Oyşması yañadan torğızu çığımnarın yaqınça 70 milliard dollar dip isäpli.