Fransiyädä urta mäktäplärdä (litsey) belem birü şartların yaxşırtunı taläp itkän protestlar arqasında 1793 keşe totqarlanğan.
Fransiyä mäğarif ministrı Êduard Djeffre "France 2" kanalında älege protestlar turında belderü yasadı.
Djeffre rizasızlıq çaraları arqasında 400dän artıq belem birü yortınıñ ber köngä yabılçağın häm bu uquçılarğa onlayn däreslär bireläçägen belderde.
Ul protestlar waqıtında 65 uqıtuçı häm 170 uquçı yaralanuın da östäde, "Litsey xäräkäte êkstremistik köç qullanu xäräkäte tarafınnan äsir alınğan", dide.
Ministr monıñ däwlät xezmätlären yuq itü omtılışı bulunı rasladı häm tınıçlanırğa çaqırdı.
İlküläm matbuğat çaraları xäbär itüençä, prefektlar bügen yabıq bulaçaq urta mäktäplär qarşında demonstratsiyälär ütkärüne tıydı.
Yustitsiyä ministrlığı 28 sentyabrdän birle bu protestlar arqasında 1793 keşeneñ totqarlanuın xäbär itte.
Fransiyä êşke eşlär ministrlığı mäğlümatlarına qaraganda, kiçä protestlar nisbätennän 1949 keşe tikşerelgän. Monnan tış, ber kön êçendä 305 politsiyä xezmätkäre häm jandarm yaralanğan.
Kiçäge protestlar il buyınça yaqınça 3700 litseynıñ 1027senä täêsir itkän.
Fransiyädäge litsey uquçıları uzğan atnadan birle belem birü şartların yaxşırtu, kübräk finans resurslar cälep itü häm östämä xezmätkärlär taläp itep protest çaraları ütkärä.
