Törkiyä Cömhüriyäte ilbaşı Räcäp Täyyip Ärdoğan Törki däwlätlär oyışmasınıñ räsmi bulmağan sammitında qatnaşu öçen kilgän Qazaqstannıñ Törkistan şähärendä Üzbäkstan ilbaşı Şäwkät Mirziyayev belän oçraştı.
Ärdoğan qalğan qunaqxanädä matbuğatqa yabıq uzğan oçraşuda tışqı êşlär ministrı Xaqan Fidan da qatnaştı.
İlbaşı idaräseneñ êlemtä bülege oçraşu xaqında belderü yasadı.
Belderüdä bolay diyelde:
“Oçraşuda liderlar Törkiyä–Üzbäkstan ike yaqlı mönäsäbätlären, regional’ häm global’ mäs’älälärne qaradı. İlbaşı Ärdoğan oçraşuda Törkiyä belän Üzbäkstan arasında saqlanu sänäğate häm säwdä başta bulu belän här ölkädä xezmättäşlekne üsterü öçen êşlärgä däwam itäçäklären äytte. İlbaşı ike däwlätneñ xalıqara platformalarda da teläktäşlegen arttıraçağına ışanuın belderep, Mirziyayevnı Törkiyädä uzaçaq Törki däwlätlär oyışması sammitına häm COP31gä çaqırdı”.
