Ber xäbärgä kürä, Netanyaxu Tel-Avivnıñ Livannıñ könyağında artqan kiyerenkelektän soñ İzrailneñ tönyağında barlıqqa kilgän wazğiyätne bäyäläw öçen räsmilär belän aşığıç iminlek cıyılışın ütkärde.
“Channel 13” Netanyaxunıñ saqlanu ministrı İsrael Kaś, Ğomum ştab başlığı Eyal Zamir häm tönyaqtağı ğaskär komandirları belän ağışıç iminlek bäyäläw cıyılışın ütkärüen belderde.
Xäbärdä: “İzrail armiyası raketa höcümeneñ masştabına häm Livannıñ könyağında İzrail xärbiläreneñ ciröste operaśiyälären kiñäytügä cawap itep " Xizbullah"nıñ säyäsäten üzgärtü qararına aptırap qaldı”, - dip äytelde.
Yazmada: “Şimbä könne Livannan tönyaqqa distälägän raketa atıldı, alar 17nçe apreldä başlanğan utnı tuqtatudan birle berençe tapqır İzrailneñ Safed häm Naxariya şähärlärenä barıp citte”, - dip bilgeläp uzıldı häm: “Tönyaqta tulı xaos häm kontroldä totıp bulmıy torğan xäl, läkin xökümät bu xäl öçen borçılmıy", - dip äytelde.
Keşesez hawa apparatı yanawları
İzrail armiyase radiosı şimbä könne İzrail belän “Xizbullah” arasındağı totrıqsız utnı tuqtatu başlanğannan birle tönyaqta sörännärneñ 1 meñ 99 tapqır yañğırawın belderde.
“Xizbullah” Natua toraq urını yanında häm İzrailneñ tönyağındağı Galilee urmanı xärbi şähärçegendä İzrail xärbilären nişan itep alğan keşesez hawa apparatı höcümnären oyıştıruın iğlan itte.
Soñğı atnalarda “Xizbullah”nıñ keşesez hawa apparatları İzraildä arta baruçı borçıluğa säbäp bulsa, Netanyaxu bolarnı bilgeläwneñ awırlığı arqasında wazğiyätne “zur yanaw” bularaq bäyäläde.
İzrail AQŞ aradaşçılığında ütkärelgän urıdan-turı bulmağan söyläşülärdän soñ 17nçe maydan soñ 45 köngä ozınaytılğan utnı tuqtatuğa qaramastan Livanğa qarşı höcümnären däwam itterde.
Livan sälamätlek saqlaw ministrlığı beldergänçä, 2nçe marttan birle İzrail höcümnäre Livanda 3 meñ 371dän kübräk keşeneñ ülemenä säbäp buldı.
