İrtänge säğat’lärdä Qıtaynıñ Şansi provinśiyäsendäge kümer şaxtasında şartlaw bulğan.

Berençe mäğ’lümatlarğa qarağanda, şaxtada êşläwçe 247 êşçeneñ 82 se hälaq bulğan.

Cimereklär astında qalğan êşçelärne êzläw häm qotqaru êşläre däwam itä.

Qıtay däwlät başlığı Si Cinpiñ êzläw-qotqaru operaśiyälären mobilizaśiyälärgä häm zıyan kürüçelärne däwalaw öçen boyırıq birde.

Ul operaśiyälärne yaraşlı räweştä alıp barırğa, şartlawnıñ säbäplären tikşerergä  häm cawaplı keşelärne qanun nigezendä cawalılıqqa tartırğa çaqırdı.  

Si Cinpiñ il külämendäge barlıq cirle üzidarälärneñ häm bäyläneşle oyışmalarnıñ bu waqıyğadan sabaq alırğa häm êş urınnarında qurqınıçsızlıq çaraların arttırırğa tiyeşlegenä basım yasadı.

Ul zur hälakätlärne buldırmas öçen potenśial’ qurqınıçlarnı açıqlaw häm beterü kiräklegen assızıqladı.

Waqıyğanı tikşerü däwam itä.