Törkiyä ilbaşı urınbasarı Cäwdät Yılmaz Üzbäkstan ilbaşı Şäwkät Mirziyayev belän oçraştı.
Taşkentta uzğan oçraşuda şulay uq sänäğat häm texnologiya ministrı Mäxmät Fatix Qacır, transport häm asqorma ministrı Abdulkadir Uraloğlu, Törkiyäneñ Taşkenttağı tulı wäqalätle ilçese Ufuk Ulutaş ta qatnaştı.
İlbaşı urınbasarı Yılmaz “NSosyal” akkauntında oçraşu turında tübändägelärne citkerde:
“Oçraşuda Törkiyä belän Üzbäkstan arasındağı kiñ qırlı strategik partnyerlıq, iqtisadi häm säwdä mönäsäbätläre, saqlanu sänäğate ölkäsendäge xezmättäşlek, şulay uq Törki däwlätlär oyışması qısalarında alıp barğan urtaq êşçänlegebez turında fiker alışu mömkinlege tudı.
Uzğan ayda ilbaşımız Räcäp Täyyip Ärdoğan häm Üzbäkstan ilbaşı Mirziyayev tarafınnan imzalanğan Êş dönyasın yaqlaw turındağı yuğarı däräcädäge şuranıñ ike il arasındağı investiśiya häm säwdä mönäsäbätlärenä yaña etärgeç biräçägenä ışanabız.
Min xörmätle ilbaşına, miña häm delegaśiyägä kürsätelgän qunaqçıllıq öçen räxmätläremne citkeräm. Oçraşuda qatnaşqan, şurada räistäş bulğan Üzbäkstan ilbaşı idaräse başlığı Saida Mirziyayevağa da xezmättäşlegebezne üsterügä kertkän qıymmätle öleşe öçen räxmät belderäm”.




























