Törkiyä milli tennisçısı Zäynäp Sönmäz düşämbe könne Londonda ütkärelgän çiräm kortlı tennis çempionatı - “Uimbldon-2026”nıñ ikençe êtabına çıqtı, ul berençe turda Amerika sportçısı Ênn Linı 2:1 isäbe belän ciñde.
Dönya reytingında 51nçe urında toruçı Sönmäz liderlıq daimi räweştä quldan-qulğa küçkän matçta, äkren başlağannan soñ, dönya reytingında 29nçy urında torğan Ligä qarşı köräşne üzgärtte.
Bu ciñüdän soñ Sönmäz ikençe turda tağın ber Amerika sportçısı Klêr Lyu belän oçraşaçaq.
Bu ciñü Sönmäzneñ Ênn Ligä qarşı uynağan öç matçta öçençe ciñüe. Törkiyä tennisçısı moña qadär “Merida Açıq turnirı”nda Amerika köndäşen ciñgän ide.
Uzğan yıl Sönmäz Uimbldonda öçençe êtapqa çıqqan berençe törek tennisçısı buldı häm 1950 yıldan birle “Zur Şlem” turnirında bu däräcägä ireşkän berençe törek tennisçısı bularaq tarixqa kerde.
