Fälästin däwlät başlığı urınbasarı Xösäyen äş-Şäyex Ramallahtağı ofisında jurnalistlar belän söyläşkändä saylawlarnıñ milli, säyäsi häm strategik säbäplär arqasında ayıruça Fälästinneñ geografik häm demografik bötenlegen saqlap qalu häm Ğazzä sızığınıñ Yordannıñ könbatış üzänlegennän ayırıluın buldırmaw öçen “strategik qarar” buluın belderde.
Ul ğomumi saylawlarnıñ noyabr ayında planlaştırılğança ütkäreläçägen bilgeläp ütte, saylawlarnı Ğazzädä yäki Fälästin cirläreneñ başqa öleşlärendä ütkärä almağan yäki ütkärmi torğan oçraqta “B planı” äzer buluın östäde.
Şäyex B planınıñ milli tatulaşu aşa Fälästin Milli şurası tözü ikänen añlattı.
Ul “Xamas”nıñ üz iseme astında saylawlarda qatnaşmayaçağın assızıqladı, säyäsi sistemada qatnaşu Fälästin azatlıq oyışmasın Fälästin xalqınıñ berdänber qanun nigezendäge wäkile itep tanuğa häm xalıqara qararlarnı ütäwgä bäyle dip belderde.
Ğomum saylawlar öçen 2026 yılnıñ 28 noyabre bilgelängän ide
“Xamas” wäkile Xazım Kasıym yazma belderüendä saylawlarnı waqıtında ütkärüneñ uñay adım buluın häm alar Fälästin ilbaşı Mäxmüt Ğabbäsneñ êlek êşlägançä saylawdan baş tartmayaçağın kötülären assızıqladı.
Fälästindä 2021 yılğa planlaştırılğan qanun çığaru häm ilbaşı saylawları Ğabbäs tarafınnan kiçekterelde häm soñraq ğamäldän çığarıldı çönki İzrail Könçığış Qodüstä fälästinlelärneñ saylawda qatnaşuın garantiyalämäde.
Fälästin ilbaşı Ğabbäs 9 iyuldä däwlät başlığı ukazına qul quyıp, 2006 yıldan birle ütkärelmägän ğomum saylawlar könen ağımdağı yılnıñ 28 noyabrenä bilgelägän ide.
