Paqıstan armiyäse comğa könne yasağan belderüendä bu atnada tön’yaq-könbatıştağı bäreleşlärdä Paqıstan iminlek köçläreneñ 22 terrorçını üterüen häm bäreleşlärdä 1 balanıñ da hälaq buluın citkerde.

Xärbi matbuğat bülegennän yasalğan belderüdä sişämbe könne iminlek köçläre häm xoquq saqlaw organları tarafınnan urtaq xärbi operaśiya ütkärelüe, näticädä köçle bäreleşlär buluı häm terrorçılarnıñ üterelüe äytelde.

Bäreleşlär Äfğanstan çigendäge Xayber töbägendä bulğan häm bu bäreleş waqıtında 10 yäş’lek 1 bala hälaq bulğan.

Üz ofisınnan yasağan belderügä qarağanda, prem’yer-ministr Şahbaz Şärif terrorçılarnıñ säbäpsez ut açuı näticäsendä 10 yäş’lek balanıñ şähit buluına qayğıruın citkerde..

Cawaplılığın kübesençä “Tehrik-i-Taliban Paqıstan” terror oyışması üz östenä alğan höcümnär bigräk tä Äfğanstan belän çiktäş provinśiyälärdä arttı.

Paqıstan Äfğanstan Talibanı 2021 yılda qabat il belän idarä itä başlağannan birle Äfğanstannı terrorçılarğa sıyınu urını birüdä ğayepläde, ä Qabul isä bu ğäyepläwlärne kire qaqtı..

Bu ğäyepläwlär kürşe illär arasındağı mönäsäbätlärgä zıyan häm daimi çik buyı bäreleşlärenä kiterde.

Paqıstan armiyäse bıyıl ber-ber artlı ülemçel intixar höcümnärennän soñ Äfğanstanda saqlanu ministrı açıq suğış dip atagan höcümnär dulqının başladı.