Törkiyä statistika oyışması mäğlümatlärenä kürä, Törkiyädä 919 qorılmada başqarılğan citeşterü belän tuñdırma tarmağı köçle citeşterü köçenä ireşkän. Uzğan yılda söt häm söt êşlänmäläre êksportı 523 million dollar bulsa, monıñ 72 million 800 meñ dolların tuñdırma täşkil itkän. Ber ük çorda tuñdırma importı 12 million 700 meñdä qalğan häm Törkiyä üzeneñ çista êksportyor bularaq poziśiyäsen saqlap qaldı.

İñ küp tuñdırma êksportı Ğiraqqa, AQŞqa, Tön’yaq Kipr Törek Cömhüriyätenä, Kosova häm Qazaqstanğa yasalğan bulsa, bıyılnıñ berençe dürt ayında 23 million yarım dollarlıq êksport başqarılğan.

Törgäklängän söt häm söt êşlänmäläre sänäğätçeläre cämğiyäte ğomum särqätibe Burxan Sakkaoğlu, dönya tuñdırma bazarınıñ 2025nçe yılda 122 milliard dollarğa citüen belderep, Törkiyäneñ köçle citeşterüçe häm êksportçı buluına basım yasadı. Sakkaoğlu, törelgän häm tikşerelgän produktlarğa östenlek birelüen kiñäş itep, tarmaq maqsatınıñ tuñdırmanı yıl äylänäsendä (yılnın här fasılında) qullanıla torğan söt êşlänmäse itü buluın bilgeläp uzdı.