Rusiyä xökümäte räise urınbasarı Aleksandr Novak êçke bazardağı ixtiyacnı qanäğatländerü öçen benzin importlıy başlawların häm, bazar totrıqlanğaç, benzin êksportına äylänep qaytaçaqların belderde.

Rusiyä parlamentınıñ yuğarı palatası - Federatsiya şurasında çığış yasağanda, Aleksandr Novak ilneñ yağulıq bazarına bäyä birde.

Novak Rusiyä kompaniyäläreñ, stimullaştıru çaralarınnan faydalanıp, öleşçä benzin importlıy başlawın belderde häm bolay dip östäde: "Bazar totrıqlanğaç, bez, älbättä, härwaqıttağıça üzebeznıñ neft produktların ğına qullanaçaqbız häm benzin êksportına äylänep qaytaçaqbız".

Ul, şulay uq, dizel bazarınıñ balanslı buluın häm yağulıq zapası citärlek ikänen, citeşterü qullanudan artıp kitsä, öleşçä dizel yağulığı êksportına da qabat röxsät itelergä mömkin buluın äytte.

Rusiyädä citeşterüçelärneñ dizel yağulığı êksportın tıyuı oktyabr axırına qadär ozaytıldı, ä benzin êksportın ğomumi tıyu 2027 yılnıñ 31 ğıynvarına qadär ğamäldä qala.