Ğazzädäge sälamätlek saqlaw ministrlığı yasağan belderüdä İzrailneñ 2023 yılnıñ oktyabrennän birle däwam itkän höcümnärendä  ğomeren yuğaltuçılar turında soñğı mäğlümatlar urtaqlaşıldı.

Soñğı 24 säğattä Ğazzädäge xastaxanälärgä 2 keşeneñ mäyete häm 8 yaralanuçınıñ kiterelüe belderelde.

Ğazzädä 2025 yılnıñ 10 oktyabrendä utnı tuqtatu ğamälgä kergännän birle İzrail höcümnärendä 1258 keşeneñ ğomere özelgän, 4 meñ 139 keşeneñ yaralanğan, xäräbälär astınnan 807 keşeneñ mäyete çığarılğan.

İzrailneñ 2023 yılnıñ oktyabrennän birle Ğazzä sızığına oyıştırğan höcümnärendä ülüçelärneñ ğomumi sanı 73 meñ 386ğa, yaralanuçılar sanı 174 meñ 250gä citkän.

Ğazzä sızığındağı xäräbälär astında äle dä meñlägän mäyetneñ buluı äytelä.