Djibıti su kiñleklärendä  bulğan köymä qazasında 139 keşe hälaq bulğan, 84 keşe yuğalğan.

BMOnıñ Xalıqara migraśiya oyışması yasağan yazmaça belderüdä Djibuti su kiñleklärendä 305 keşe utırğan köymäneñ äylänep qaplanı citkerelde.

Belderüdä  139 keşeneñ hälaq buluı, 84 keşeneñ yuğaluı, şulay uq Djibuti wäqalätleläreneñ êzläw häm qotqaru êşlären däwam itüe äytelde.

Xalıqara migraśiya oyışması soñraq yasağan belderüdä äylänep qaplanğan köymäneñ 9 okyabr tönendä 305 keşe belän Djibutidan Yämänğa taba yulğa çığuın citkerde.

Belderüdä süzläre kiterelgän Xalıqara migraśiya oyışması ğomum direktorı Êmi Poup: “Başqa qurqınıçsız yul yuq dip uylamasa berkem dä mondıy köymägä utırmas ide.  Bez bu ülemnärne ğadäti xäl kebek qabul itüne däwam itä almıybız. İmin yullar keşelärneñ ğomerlären saqlap qala”, — dip belderde.

Poup xökümätlärne häm yardäm kürsätüçelärne tağın ber köymä batqançı uq êşkä kereşergä çaqırdı.