Ğaräp berlege ğomum särqatibe Äxmät Äbul Geyt comğa könne Livan xökümäte räise Näwaf Sälam belän telefon aşa söyläşkändä, İzrail höcümnären ğayepläde häm Livan xökümäteneñ "qıyu" qararların xuplawın belderde.
Ğaräp berlege Äbul Geytnıñ bu "räximsez İzrail agressiyäse" çorında Livan belän berdämlegen raslawın häm sişämbe könne AQŞ häm İran arasında тözelgän utnı tuqtatu kileşüenä Livannı da kertü kiräklegen assızıqladı.
Äbul Geyt "Livandağı wäzğiyät däwam itüçe höcümnär arqasında awır bulıp qala" dip östäde häm xökümätneñ däwlät xakimiyäten nığıtuğa yünältelgän qararların xuplawın belderde.
Ul, şulay uq, däwlätneñ tulı kontrolen kiñäytü häm qoralnı räsmi köçlär belän çikläw tırışlıqların xupladı. Livan armiyäseneñ häm däwlät institutlarınıñ qurqınıçsızlıqnı täêmin itüdäge rolen assızıqladı.
Ğaräp berlege wäkile Camal Ruşdi Äbul Geytnıñ, şulay uq, Livannıñ ozaq waqıtlı çişeleşkä ireşü öçen İzrail belän söyläşülär alıp baru initsiativasın xuplawın äytte.
Belderüdä, monnan tış, kiyerenkelekne kimetü buyınça bu tırışlıqlarnıñ uñışın täêmin itü öçen "tiyeşle şartlar" tudırılırğa tiyeş diyelä.
Bu belderü İzrail armiyäseneñ çärşämbe könennän birle Livanğa kiñäytelgän höcümen däwam itüe belän bäyle. Livan grajdannar saqlanu oyışması mäğlümatları buyınça, höcümnärdä 303tän artıq keşe ülgän häm 1150dän artıq keşe yaralanğan.
Höcüm, Paqıstan aradaşçılığında тözelgän häm sişämbe könne AQŞ häm İran tarafınnan iğlan itelgän ike atnalıq utnı tuqtatuğa qaramastan, däwam itte.
İslamabad häm Tähran utnı tuqtatu kileşüe Livannı da üz êçenä ala dip äytsä dä, Vaşington häm Tel'-Aviv monı kire qağa.
