Ukraina hawa köçläre komandalığınıñ yazma belderüendä Rusiyäneñ bügen tönlä ilneñ törle töbäklärenä hawa höcümnäre yasawı turında äytelä.
Belderüdä Rusiyä armiyäseneñ Ukrainağa 17 raketa häm 202 dron oçırtuı, hawa saqlanu köçläreneñ 174 dronnı yuq itüe citkerelä.
TÄQDIM ITELÄ
Xarkov töbäk xärbi idaräse citäkçese Oleg Sinegubov ta üzeneñ sotsial çeltärlärdäge akkauntında Xarkovqa Rusiyä höcümendä ike keşeneñ ğomere özelüen häm 21 keşeneñ yaralanuın belderde.
Ukraina däwlät ğadättän tış xällär xezmäte (DSNS) üzeneñ sotsial çeltärlärdäge akkauntında Odessağa Rusiyä höcümnärendä sigez keşeneñ yaralanuın belderde.
