Bıyıl iñ küp Rusiyä, Germaniyä häm Angliyä turistların qabul itkän Antaliyädä iyün ayında aktivlıq tağın da arttı.

Professional qunaqxanä citäkçeläre cämğiyäte (POYD) Başlığı Xaqan Saatçioğlu “AA” xäbärçesenä birgän äñgämäsendä may axırındağı kürsätkeçkä kürä 4 million 800 meñ turistnıñ kilüen belderde.

AQŞ, İzrail häm İran arasındağı suğışnıñ irtä bronlaw çorına yoğıntı yasawın häm keşelärneñ kötü torışına kerüen iskärtep uzuçı Saatçioğlu bolay dip äytte:

"Uzğan yıldağı kebek ük bez küp külämdä bron’ ala başladıq. Xäzer barısı da yaxşı bara häm bez maqsatıbızğa bik yaqın kiläçäkbez, dip uylıybız. Reyting üzgärmäde: 450 meñ keşe belän rusiyälelär äle dä berençe urında. Germaniyä ikençe urında, bez almannarnıñ 10%qa artuın kürdek. Bez Antaliyädä Germaniyädän 390 meñ turistnı qabul ittek. Böyekbritan öçençe urında, Polşa dürtençe urında. Bu reyting uzğan yıl da şul uq ide”.

Saatçioğlu iyül häm avgust bronnäreneñ tağın da yaxşıraq buluın iskärtep uzdı.

AQŞ, İzrail häm İran suğışı barışın turizmçılar bularaq añlı räweştä uzdıruların citkerüçe Saatçioğlu: “Qunaqxanä xezmätkärlärebez bik tiz caylaştılar. Mädäniyät häm turizm ministrı birgän mäğlümat yärdämendä dä aldan bron’law waqıtın ozayttıq. Xäzer bez, döresen genä äytkändä, uñışın küräbez”, - dip äytte.

Uzğan yıllarda Rusiyä belän Ukraina arasındağı suğış arqasında bigräk tä Ukraina bazarında sizelerlek kimülär buluın iskä töşerüçe Saatçioğlu: "Uzğan yıl Ukraina bazarında  20% üseş küzätelde, annan aldağı yılda da 20% üseş küzätelde häm bez bıyıl da sizelerlek üseş kötäbez. Başqa bazarlar da uzğan yıl belän parallel räweştä alğa bara”, - dip belderde.