Hälakät Fransiyäneñ könçığışındağı Tomblen şähäre yanında bula. Paraşütçılarnı utırtqan oçqıçtağı 11 keşeneñ barısı da ülä.
Mört häm Mozel gubernatorı İv Segi yakşämbe könne bulğan hälakättä biş instruktor, biş student häm oçuçınıñ gomere özelüen citkerde.
Gubernator äytüençä, oçqıçtağı keşelärdän tış, çimereklär töşkän urında berkemneñ dä gomere özelmägän.
Germaniyädä terkälgän oçqıç Fransiyäneñ könçığışındağı Nänsi-Êssi aêroportınıñ oçıp kitü-töşü polosası yanındagı ülänle urınğa kilep töşkän.
Hälakätneñ säbäbe älegä açıqlanmağan.
Sälamätlek saqlaw häm psixologik yärdäm törkemnäre aêroportta qorbannarnıñ tuğannarına häm şahitlärgä yärdäm kürsätä dip xäbär itelä.
Nänsi general' prokurorı urınbasarı Amauri Lakote hälakät buyınça texnik tikşerü başlanuın iğlan itte.
Fransiyä êçke êşlär ministrı Loran Nun'yesnıñ bügen töştän soñ hälakät urınına baruı kötelä.
